أضف سؤال أو موضوع جديد          

هل تنصحوني بشراء رينو كليوس جديدة بس موديل 2018؟

up 2 down 0
nalawwad 6
قبل أسبوع و 3 يوم



أنا عاجبتني السيارة وفيه عرض عليها حاليا على الفل بس موديل ٢٠١٨
فرق ٢٠ الف تقريبا بالسعر عن الفل موديل ٢٠٢١
الموديلين نفس المواصفات والشكل الخارجي ماعدا اشياء بسيطة

انا اول مره اشتري سيارة
السؤال هو ايش السلبيات في إني اشتري موديل قديم غير سعرها بالبيع؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابعد عنها ما تدري طريقة تخزينها وقطع الغيار بتتعب معها خلك على الشعبي افضل شي


up 1 down 0
rooo7_q 272
قبل أسبوع و 3 يوم



قطع الغيار متوفره ومناسب سعرها في الرياض


up 0 down 0
nalawwad 6
قبل أسبوع و 2 يوم



كليوس شقيقه نيسان اكس تريل بالضبط
مكينه قير قطع داخلية
اذا الاسعار متقاربة خلك على نيسان لو تشوف مواصفات اقل
المخزن يبي لك تغيير كفرات و اذا موقف بالشمش يأثر على المساحات و الداخليه
و ممكن تغيير الزيوت و القير CVT ممكن يأثر عليه التخزين و الله اعلم


up 0 down 0
مثقف سيارات 1081
قبل أسبوع و 2 يوم



قصدي زيت القير من عدم تشغيل السيارة و زيت المكينة
و جلد المساحات و الابواب و الطبلون من الوقفة بالشمس
حتى لو نقلوا السيارة للظل قبل البيع بفترة قريبة


up 0 down 0
مثقف سيارات 1081
قبل أسبوع و 2 يوم



اذكر واحد من ربعي صدرتله من الامارات اكورد جديد رايح عليه موديلين او حولها ..
وكان يشتكي من تسريب الهواء من جلد الابواب و ماجلست معه شهرين وباعها مارتاح فيها
لذلك مانصحك الا اذا بيغيرون لك كفرات وجلد وبطارية وضمان وخصم اضافي
بعد فحصك لها فحص شامل وبالتوفيق


up 0 down 0
qefari2 19
قبل أسبوع و 2 يوم



السلام عليكم

المخزن مايصلح تحصل كل الربلات ناشفة وغالباً مخزنه في الشمس

وكل شوي ربله تنقطع عليك وتحصل تنسيم وتهريبات وغيرة

20 الف ريال تسوي فرق الموديل واسمها 2021 وانحلت اي مشاكل في الموديلات الاقدم

وحسب علمي الدفعة 2018 كانت مخصصة للسوق العراقي او الايراني (ماني ذاكر )
كوليوس كسيارة ممتازة وشريكة نيسان في المحركات والكثير من القطع لكن بطابع اوربي وتتصنع في مصنع رينو بكوريا

هذا تقريري عن السيارة

https://www.youtube.com/watch?v=exlMzOV1KbA

جرب السيارة عند الوكيل ولاتنسى الاستخارة
ومبروك مقدماً


up 1 down 0
salehhd 890
قبل 6 يوم و 18 ساعه