رينو لوجان 2012

قطع الغيار لازم تشتريها من الوكاله وسعر قطعها مقارنه بمنافسينها غاليه اذا تبي نصيحتي خذلك من السيارات المنتشره مثل الانترا اكسنت صني قطعهم رخيصه ومتوفره فى كل مكان وش لك فى عوار الراس لولاقدر الله خربت مكينتها ولاقيرها وتبي تغيرها تبهذلك ماحصلتها واذا حصلتها عند محل استغلك واذا بغيت تركب فيها اكسسوارات ماراح تحصل لها فك عمرك منها دام معك فلوسك فى جيبك خذلك موتر منتشر بكره لين بغيت تبيعها راح ينخسف سعرها لى انها سياره غير مرغوبه والله يكتب الى فيه الخير لجميع 

كما قال من هو قبلي صادقا لاتشتري سيارة الا تراها بكثرة في الشوارع وقطع غيارها في كل صناعية خذ مثلا النترا او اكسنت او ياريس او صني سيارة مثل الرينو لن تجد غيارها الا عند الوكيل وبسعر دبل

ابعد عن الشر وغني له

موديل 2012 ما رح تصلحه في الوكالة ورح تمر الصناعية تلاقي ورشة أو ورشتين فقط تصلحه والأسعار غالية والقطع موجودة في الوكالة فقط

الرينو للأسف ما نجح عندنا وبيعته صعبة ومشاكله كثيرة

الاخ فهودي كفى ووفى .. كلامه صحيح

حسب ماشفت ان
السيارة عملية وتكرف ، بتركيا ومصر منتشرة كثير.


السيارة قطعها متوفرة ، وفيه ورشات متخصصين بالرينو ويعرفون لها صح قليل لكن موجودين

اكبر ميزة انك تشتريها ان السيارة المستعملة منها رخيصة
تلقى لك مستعمل تماتيك نظيف ومكيف شغال ب7 او 8 الاف


بينما لو بتاخذ نفس هالموديل تماتيك اكسنت ولا يارس وغيرها ماتاخذها باقل من 13 و15

طبعا لو بتشتريها وكالة ما راح انصحك
لانك بتدفع قيمة نفس قيمة الاكسنت واليارس

لكن اذا بتاخذ مستعمل نظيف فانت الكسبان
بتاخذ سيارة نظيفة بمبلغ بسيط ول يكون باقي من عمر السيارة اكثر 70% تمشيك ان شاء الله سنتين ثلاث بدون مشاكل

لكن اهم شي تفحص السيارة عند خبير

يعطيكم العافية جميعا

لي قصتين بعالم الرينو الفرنسيه منها مؤلم ومنها ممتاز

زمان اشتريت رينو لاجونا وكانت كشخه وتشتغل بالبطاقه وفتحت سقف ورياضيه
خرب عليا راس المكينه تعبت بسبب قله الميكانيكيه وقطع الغيار الغاليه وعافت نفسي منها مع اني اشوفها كشخه

التجربه الثانيه استاجرتها كثير بدولة المغرب
حقيقه تجربه موفقه خصوصا رينو لوجان هاتشباك كانت رياضيه وديزل وشاشه خرايط شي عجيب
لفيت فيها المغرب وما شفت منها شي ولقيت منتشره السيارات الفرنسيه بيجو ورينو لان بكل زاويه عندهم ورش
وقطع غيار رخيصه عشان كذا منتشره عندهم
بس عندنا للاسف ضعيف المستوى بالقطع والاصلاح

السياره فرنسيه وتستاهل الاقتناء بس لو قطع غيار غاليه او ورش قليله وش الفايدة ؟؟

لو تبي تمشي حالك اقتنيها فتره وبعدها بيعها لان اسعارها رخيصه اما تخليها سيارتك الرسمية ما انصحك للاسباب الى ذكرتها