أضف سؤال أو موضوع جديد          

ادخل قبل لا تشتري رينو

up 7 down 0
est_yasser 21
قبل 5 شهر



السلام عليكم ورحمة الله وبركاته

اخواني الكرام اللي مقبلين على شراء سيارة رينو، انصحكم تبعدو عن وكيلها لانهم غشاشين ونصابين وما في تعاون.
انا شريت من عندهم سيارة قبل يومين ولاحظت في ميزة في الشاشة ناقصة وقت التسليم، بالاضافة لبعض الازرار اللي ما تشتغل (السيارة لسا ما مشت 1سم) كلمتهم عنها وقالولي تروح مركز الصيانة وتحدث الشاشة وبتجي معك الميزة والازرار يصلحونها.
في مركز الصيانة قالي الشاشة عندك ما تدعم الميزة حتى لو حدثتها وبالنسبة للازرار خلوني اروح الى مخرج 18 وانا في الشمال لانهم قالو ما يعرفو يصلحوها .. ورحت وعطوني موعد بعد اسبوع وعاد مادري اذا راح يصلحونها بوقتها ولا راح يطلبونها من برا وتاخذ شهر ولا اكثر.
قلت مافي مشكلة انتظر اسبوع لكن الشاشة صعب اسكت عنها لانها كانت الميزة جدا تهمني .. رحت للوكالة وقالو لا ماهي موجودة .. قلتلهم كيف ووقت التسليم قلتولي احدثها وبتطلع وهي اصلا موجودة باللي في المعرض؟ المهم بعد مباحثات طلع انها الدفعات القديمة ما تجي فيها وقالو ما كنا ندري عن هذا الشيء .. قلتلهم انا عاينت سيارة معينة وطلبت مثلها واخذتو فلوسكم بس بعدين سلمتوني شيء مختلف .. قالو ما نقدر نساعدك بشيء ..

يعني لا الوكيل متعاون ولا الصيانة كويسة وحتى مافي احترافية يقولك ما يدرون تجي دفعات مختلفة واصلا من بدايتها غش وخداع يخلونك تشوف شيء ويعطونك شيء ثاني .. وبعد تطلعلك السيارة بخرابات وانت لسا ما حركتها ..

تعرفون الواحد يبي يرتاح مو كل شي مشاكل معهم رايح جاي .. ف اللي يبي نصيحتي لا يقرب منهم حتى ما يندم مثلي. انا صديقي كان بعد مفكر يشتري ودافع عربون وبعد ما شاف البهدلة يلي اتبهدلتها بطل وبيسحب فلوسه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حدث ولا حرج عن مشاكل الوكالات وقمة الغباء فيهم

يلعبون على الناس قبل الشراء وبعد الشراء مالك شئ عندهم

ع العموم ركب شاشة من برى وريح راسك من غثاهم اذا ماضبطوها لك من الضمان


up 2 down 2
aboahmed2014 765
قبل 5 شهر



الله يعوضك ويعينك ،، 

بس جرب تشتكي لوزارة التجارة بسبب ان شرط نقص بعد البيع وهي الميزة الي تتكلم عنها 




up 6 down 0
m7md 33 671
قبل 5 شهر




منو وكيل رينو لان شكل ماعندهم سالفه كيف يقولك رح للصيانه تتحدث الميزه وهي مو موجوده اصلا

عموما اذا ماوصلت لحل مع الوكاله مالك الاتشتكي عليهم خلاص دامك شريت السياره منت خاسر شي

بعض الوكالات يكرهون الناس بالسياره >>> المتحده


up 2 down 0
99 fares 8
قبل 5 شهر



لا تصدقهم المرمطة عندهم رايح جاي خليها على وزارة التجارة  وانشر مشكلتك في التواصل الاجتماعي راح تدخل وزارة التجارة وتجيب العيد في النصابين 


up 3 down 0
ibra 3796 -31
قبل 5 شهر



ياسر انت اذا ماخاب ضني ماخذ التاليسمان ولا؟
عموما الحل ماهو عندهم لاتقربهم ولاتكلمهم
ارفع عليهم بوزاره التجارة واذا كان لك حق
بيجونك صاغرين !


up 0 down 0
haraj.j 67
قبل 5 شهر



وزاره التجاره يالذيب تشرشحهم شرشحه 
بس اصمل على شكواك وخلك ذيب


وزارة التجاره عندك
وعندك وكيل الشرق الاوسط
المسؤول عن الوكالات بالخليج
ابحث عن ايميلهم ممكن تحصله بالكتلوج
لان اغلب السيارات تحصله بالكتلوج او دوره بالنت
وراسلهم


up 1 down 2
d7ooom777 426
قبل 5 شهر



أعرف واحد كان يشتغل في مركز صيانتهم .. يقول لي ما يسوون أي شيء للعميل إلا اذا وصلت الشكوى لوزارة التجارة
فنصيحة أرفع شكوى وتابع معهم


up 1 down 0
faisalx3z -1
قبل 5 شهر



الله يعينك
افضل حل مثل ماقالو الشباب شكوى لوزاره التجاره


up 0 down 0
hossam 6724 291
قبل 5 شهر