موضوع عن سيارات رينو سمبول

5 3

لايمكنك التصويت حتى الحصول على 20 نقطة على الأقل
إضغط هنا للإخفاء

احمد شريف 3175
قبل 5 سنه و 11 شهر

السلام عليكم ورحمه الله وبركاته
اسف على اختفائي المفاجيء واختفاء مواضيعي من
سنه وتسع شهور كثير اعرف بس المنتدى نسيته جالس بقسم البيع فقط
عشان المراوح
المهم لي تجربة تكاد تكون سيئه مع سيارات الرينو الفاشله
سبق واشتغلت مندوب توصيل في شركة
وكانت السيارات رينو سيمبول بمعنى الغبيه
بعطيكم مميزاتها وبعطيكم وسلبياتها
وكانت الشركة ماخذه كمية منها حوالي العشر سيارات
وشبه جديده بقراطيسها وماشيه حدود10الاف كيلو
اوتو ماتيك وعادي
نجي للميزات
1الطاره ثقيله كانها كرسيدا84 تلفها بيدينك وبالقوة

2السياره بالحفر والمطبات صلبه جدا قساوتها حلوه

3البودي ثقيل وقوي بحكم انها اوروبيه

4المكيف حقها متوسط التبريد الهيونداي ابرد بمراحل

5السياره من الداخل واسعه نوعا ماا بحجمها واسعه

6نظام الفرامل فيها جدا ممتاز

7الشنطة الخلفيه تفتح بضغه على نفس الباب في حال التامين مفتوح فقط
نجي للسلبيات الكثيره

1الطاره ثقيله جدا ومتعبة بالملفات

2ماتقدر تعبي بنزين الى تطفي السياره وتعطي العامل المفتاح وتقعد بالشمس لين مايعبيها فل

3صرفية البنزين عاليه جدا مقارنة بباقي السيارات الفل تقريبا35ريال ويمشيك حدود300كيلو وهذا ايام الرخص

4المكيف يفصل لحاله خصوصا الظهر يشتغل على مزاجه ويفصل كثير يمكن عشان حرارة الجو وعاد افتح الشبابيك وتهوى

5الطبلون فيها اعداد فرديه من 10,30,50,70,90,110

6فيها ميزة غريبه ان الحرامي لو اخذ منك المفتاح مايقدر يسرقها
بحكم انها وهي بارده يبغالها تشغلها ثمان الى عشر مرات
تشتغل وتطفي وتشغلها تشتغل وتطفي لين عاشرمره تشتغل خلاص تفتف وبعدها تزبط لحالها واذا دعست بنزين وانت تشغل تفصل ماعاد تشتغل ابدا
7القير العادي فيها غثيث وثقيل تحس مايتجاوب معاك
عكس باقي السيارات تفز مزبوط

8القير الاوتو ماتيك فيها قوي جدا وتقوم زي المجنونه وتفحط من القوة عكس العادي

9النظام الصوتي فيها بشع سماعات بالباب فقط وماتسمع شيء اصلا

10السياره ماتقبل الاشتراك ولو سويت اشتراك ماتتجاوب لابد اوديها للوكالة بسطحة
هذا الي افتكره كنت اكره السياره عشان كذا طلعت عيوبها وانا حاقد عليها

إبلاغ

الردود