أضف سؤال أو موضوع جديد          

دفع هواء المكيف ضعيف

up 4 down 3
king.king 833
قبل 5 سنه و 6 شهر



السلام عليكم ،،، زميلي في الدوام طلبني استشارة وقلت اخذ اراء الاعضاء بخصوص مكيف سيارته وانا طلعت معاه وفعلا فرق كبير بين سيارتي صني وسيارته يعني لما يكون حاطيه على واحد ولا كأن المكيف شغال ،، على 2 يعني تحس بشوية برودة علماً بأن الهواء الخارج بارد جداً وفتحنا المواصير شيكنا عليها باردة جداً ما شاء الله السيارة ما تبرد الا لما يحطها على 4 .. ونمرة 4 كأنها 2 على سيارتي ،، الفلتر جديد وشيكت عليه بنفسي ومغير ثلاجة من فترة قريبة والفريون تقريباً ممتاز لأن المواصير ماشاء الله باردة مرة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يمكن عنده مشكلة في توزيع الهواء ، شيكتوا على اللي فوق في الطبلون


up 3 down 3
a.ibrahem 3169
قبل 5 سنه و 6 شهر



صوت الهواء اللي خارج احس كأنو محشور في الطبلون مو طبيعي مثل باقي السيارات قلت له أكيد في شيء موطبيعي بس ما ادري وش هو 


up 2 down 2
king.king 833
قبل 5 سنه و 6 شهر



نظف الفلتر واذا مافاد نظف الثلاجه


up 2 down 1
fahad0401 203
قبل 5 سنه و 6 شهر



الثلاجة جديدة الفلتر بعد ،، هل ممكن تكون الهواية مسكرة بشكل جزئي اذا قفلنا الهواية وفتحناها نفس الصوت ما يتغير شيء


up 0 down 3
king.king 833
قبل 5 سنه و 6 شهر



مشكورين ما قصرتو ... اخليه يشيك على الهواية 


up 2 down 2
king.king 833
قبل 5 سنه و 6 شهر



الهواية ضعيفة
 او ممكن انه توزيع الهواء ينزل للارجل  واليد الي تحرك توزيع الهواء معلقة او مكسورة 

لانها صارت معي غيرت فلتر وشيكت على ثلاجة المكيف 
واخر شي طلعت المشكلة من توزيع الهواء 
اليد الي تعاير عالوجه او عالزجاج الامامي مكسورة 
موفق


up 2 down 2
moathyaseen 1393
قبل 5 سنه و 6 شهر



ياليت تذكر نوع السيارة عشان نساعدك

اذا سيارتك يابانية او كورية او صينية يكون ضعف تدفق الهواء من الفلتر أو المروحة اللي بدرج الراكب ينضفها بالهواء او غسلها واذا كان الفلتر متقطع او صاير لونه غامق الافضل انك تتغيرة بواحد جديد بالنسبة للمروحة فيه تنظف من الاتربة والصندوق المروحة يكون فيه تراب

تحياتي


up 3 down 0
ابو عبدالعزيز _ 330 21
قبل 5 سنه و 6 شهر



صارت معي قبل شهر بصني 2006 
مايشتغل عندي الا رقم اربعه والدفع ضعيف جدا 
شيكت عليها طلع الخراب عندي 
منظم الهواء ةو الخساس تحت الثلاجه محترق بدلته 130 ريال اصلي 
واتفاجأت بعدها ان المروحه ما تشتغل والمنظم او الحساس محترف بسبب المروحه .
قالي الكهربائي بغير لك المروحه فقط اوفر لك من الخساير لان الجديد سعره تقريبا 260 ريال 
حصل عنده مروحة مكيف حقت باترول وركبت عادي جدا وماشاء الله من بعدها دفعه اقوى من الصني العادي 


up 2 down 1
meem34 183
قبل 5 سنه و 6 شهر



عندي لك حل رخيص جدا 


فك الفلتر وجرب اذا حسيت الهوا دفعه اقوى السبب من الفلتر كرتون قاسي
وغيره بفلتر يجي خفيف 

اذا مانفع الحل السبب من مجرى الثلاجه يبي لها تنظيف او من المفصلات تبع الفتحات


up 1 down 2
tttt35035 1061
قبل 5 سنه و 6 شهر



مشكورين على الافكار وان شاء الله نجربها كلها وافيدكم في موضوع جديد عند الوصول للحل 


up 1 down 2
king.king 833
قبل 5 سنه و 6 شهر